De nuuje priesvraog

Aafgelaupe zomer höbbe v'r van 't EK kinne geneete in Portugoal. Biej de Spatzen woore eine haup fanatieke volgelinge van dit evenement getuuge de massale deilnaame aan de poule. Veur die die-hards noe eine priesvraog. Wit se de ontbraekende oetslaag in te vulle op ongerstaond oetslaagebord?

Witse het? Twiefel neet en stuur het gooje antjwaord op nao het bekinde adres: priesvraog@vlootbachtaler.nl. Onger de gooj inzendinge waerd deze kieër ein gesigneerd shirt van ein van de Nederlandse EK-gangers verlaot. Waem det is waerd nao aaflaup van de priesvraog bekènt gemaak. Ein dink is zeker, det shirt wilse zeker höbbe!

Aaje priesvraog

Aaf en toe kumpse op van zo'n plaatse en dan kumpse get taenge wovan se dinks: Waat mosse hiej noe weer mit. Zoa kwoome v'r nog neet zao lang geleeje het volgende burdje taenge in ein kefee. Nao het sjientj geit het hiej om 'stuff' van eine hieele bekinde persoon. Vraog van deze priesvraog woor: Wo hink dit burdje (of haet 't gehange). Esse der auch nog biej wits te vermelje waem de bekinde persoon is maakse dubbel zoaväöl kans oppe pries van deze kiëer.

Zoea väöl inzendinge höbbe v'r nog neet gehad. Het geweldige aantal van 0 inzendinge zeen ontvange. Daorom is der auch geine pries oetgedeilt en haet de webmeister m zich zellef gehaaje (gesigneerde cd van de flippers).

Nog aajere priesvraoge:

Priesvraog 1
Priesvraog 2
Priesvraog 3
Priesvraog 4