Omdet de iëste priesvraog zo'n geweldig succes woor, hejje ver weer effe òs bès gedaon en hejje eine nuuje priesvraog oetbedach. Het wèrkdje weer precies zoaas de vûrrige keer zoadet alles waat ger mer hoofde te doon is eine mail te sjtuure nao het volgende adres: priesvraog@vlootbachtaler.tk mit het antjwaord oppe volgende vraog: Waat klop der neet oppe ongerstoandje foto?

Uiteraard hejje ver weer ein geweldig priezepakket veur uch saame gestiltj (auch veur dit zeuke ver nog eventuele sjponsors). Helaas hej de penningmeister de kas al geplunderd, dus dae pries waat ver in gedachte hejje (5000 euro veur de winnaar) ging helaas neet door. Veur de winnaar loog noe ein half bon vanne Vogel klaor en ein rit in de befaamde batmobiel de 'Nightshadow', de lèste tied auch bekintj aas 'Nichtshadow'. Waat det lèste wiltj zigge weite ver auch neet. Haopelik haet de eigeneer vanne Nightshadow gein verkeerde ideeje opgedaon tiedens zien bivaks mit al die anger kaerels. Ger kos reageere toet 4 juni, zoadet de oetsjlaag oppe ALV bekint kin waere gemaak (waat dus is gebeurt). Euver de oetslaag viltj weer neet te correspondeere.

En noe de oetslaag. Oppe ALV is mit de gooj inzendinge läötjes getrokke en is eine winnaar bekint gemaak. Dit waerde op zeer eerlikke wies gedaon door Claire en daoveur zeen ver um allemaol zeer dankbaar. Het antjwaord woor natuurlik det dae Keub gaaroets gein beer zuup en het dus onmeugelik is det dae mit ein fles beer aanne mondj sjteit. Dan wiltj ger natuurlik gaer weite waem de winnaar woor. Het is ein gooj traditie van de familie van deze persoon om alle priesvraoge wo ze aan mit doon te winne. Haaj de trompetters en zondagsnieuwsblaedjes mer uns inne gaate. Het kos dan auch neet anges of deze persoon zou winne. De winnaar is gewaore: Thei van Wim van Thei van Theumke. En det der bliej woor mit ziene pries kint ger op ongerstaonde foto waal zeen, biej het oetreike vanne pries.