Heim > Sjaele Zeiver > Aaje priesvraog (1)
Aaje Priesvraog (1)

Om oos cait get te promoote onger de Spatze hejje ver eine heusse priesvraog oetbedach. Alles waat ger maar hoofde te doon woor eine mail mit het gooje antjwaord te sjtuure op de vraog: Kindj geer oos vertille waem oppe volgende foto's in het Knorbert outfit zit?

Onger de gooj inzendinge is de hoofpries verlaot, te weite ein gehiël verzorgde massaasjbehanjeling door Hans Janssen oetgeveurd in het vergaderzaelke van Cafe/Dancing Stienen.aNaaL. Dees happening zal rechstreeks op internet via dees website waere oetgezonje, zoadet neemes op deeze aardklooat der get van hoof te misse.

En dan noe de oetslaag.
Het aantal inzendinge op deeze priesvraog woor euverweldigend. Ver hejje maar leefs 3 inzendinge. Helaas Tisjoh, doe hejs het aas eenige bienao good, mer Harie Stiene zit helaas veur dich neet in dit pak. Omdet diene theorie zoa good waas, moogse dich biej Harie eine halve liter bestille (waal zelf betaale!). Anger inzendinge die binne zeen gekomme woore van Beun en Jos (Janssen). Dees mèn hejje allebei het gooje andjwaord parraat. Het gooje andjwaord woor namelik natuurlik Hans Janssen(!!) dae zich verklaedj hej aas Knorbert. 't sjientj det der inmiddels al eine Fanclub veur deeze superheld is opgerich woovan opgaave meugelik is via het gastebook (ff diene naw-info doorgaeve). De pries, dae door Hans himself zal waere oetgeveurt, is onger dees mèn verlaot (hieël offisjeel door ein onafhankelik persoon) en is gewonne door...Jos!!

De pries zal (vermoedelik) de eers kommende vergadering vanne Spatzen aaf te haole zeen, dus Jos, haaj de aankondiginge van die vergadering inne gaate!

Omdet ver Beun neet (aas enige) mit laeg henj wille laote sjtaon haet dae ein gehieël verzorgde trip nao de angere kantj vanne riekswaeg gewonne oppe bagaasjdrager van eine fiets. Ver kieke waal wienee deze pries het bèste kin waere verzilvert.

Euver de oetslaag vilt euverigens nog altied neet te correspondeere.