Bèste luu.

Wederom haet het aantal inzendinge van deeze priesvraog òs stoutste verwachtinge euvertroffe. Doaroom haet ut auch zoa lang gedoerd eer vèr eine winnaar bekint koste maake. Oet het gigantische aantal van 1 inzendinge höbbe vèr dan auch eine winnaar motte laote. De gelukkigge winnaar krieg ein gehiël verzorgde cursus ei-virve aangebaoje door de firma 't Kwekerieke. Deze workshop is binnekort weer te volge in de noe gehiël vernuujde winkel aan het spaor in Lin. Belangstillende kinne zich biej ein van de dames van Beune opgaeve. De winnaar van deze pries zal deze cursus ein speciaal ei ter besjikking kriege. Daoveur höbbe ver òs speciaal in contak gestild mit eine Afrikaanse struisvogel-eijer boer. Dae haet òs belaof ein sjooan exemplaar op te stuure. En dan noe woot ger natuurlik allemaol op höb ligke te wachte de aafgelaupe maondje, de winnaar. En degene dae det is gewaore loestert nao de naam Theumke (auch bekint es Thei)!! Proficiat mit de pries en doe geis mer uns langs.

De aafgelaupe Luukse mèrt stonge der hiël get luu mit eine digitale camera foto's te sjeete. Dao kreege die gesjwesters Beune ein geweldig idee. Maak van òs uns ein sjooan foto veur dae geweldige priesvraog oppe website van òs! Ger kintj hiejonger strak het resultaat zeen. Vraog die de Beuntjes der zellef biej höbbe bedach is: Zeuk de 10 versjille. Omdet ver zellef der nog neet hiëlemoal oet zeen of der waal 10 versjille zeen te bedinke, wintj daegeene der der het meiste op wit te sjrieve. Veur de winnaar lik weer eine fantastische pries klaor. Uuterste inleverdatum (woor) 23 Juli 2003. De foto:

Euver de oetslaag viltj weer neet te correspondeere. Es ger trouwens dink, hey die foto höb ich al uns gezeen. Det kin kloppe, want dae sjmeerige Koets (koetspower.tk) woor der mit ooze priesvraog vandoor gegaon. Dae nuuje priesvraog van um is trouwens auch eine sjooane.