> Wiejer >

Ut jaor lûp al hel taenge ut èndj aan. Det beteikendj det oppe radio en tillevies binnekort weer de jaorlikse nuutseuverzichte versjiene. Auch de Spatzen kinne zich verheuge op ein heus jaoreuverzich. kuuL hej get tied euver tiedens ut sjrieve van zien sollicitatiebreeve en haet der ein sjooan verhaol van gemaak. Waarsjienlik zeen ver noe zellefs de iëste en höbbe ver eine heuse primeur! Omdet ut tamelik oetgebreidj is en ger altied ligk te zanikke ès der weer uns grooate lappe teks oppe site sjtaon, gaon ver dit in deile aan uch presenteere. Noe dus ut iëste deil, de maondje januari, februari en miërt.

Van Oze razende Reporter

Omdet ich toch mer werkeloos bön en dus nieks te doon höb, höb ich mich ff de meujte genaome om de meis belangrieke gebeurtenisse van dit jaor ff op ein rieke te zitte. Dit is speciaal veur de miense mit geheugeverlees of de miense die tiedens de SARS-periode ff zeen ongergedaoke. De belangriekste gebeurtenisse; dus neet allemaol die mededelinge waem weer zaat woor aafgelaupe weekend en ho der ziene fiets haet truuk gevonje en zo get. Det laesj ger mer biej de wis-ger-detjes en det gebeurtj ederein toch trouwens bienao eder weekend.
Zal Da Kinky Fox eindelijk zien sjool aaf make dit jaor? Waem wit, geer kint het allemaol laeze…

• Jannewari: Het jaor begintj mit de mededeiling: "Gelukkig nuuj jaor". En Hans is in ein zjwart gaat gevalle… Det zal eine sjlaag gegaeve höbbe. En Hans is auch nog bang in het donker.
  Verder nog deze maondj ein mededeling: "Ich gaon het leger in".Ederein wit euver waem ich het höb.
  Der waere de neudige veurbereidinge getroffe veur de optoch. Dao wurd gezaeg, gesjiljert, gelasj en baove alles väöl gezeiverd en geweun lomp gebruiktj. Kiek mer nao de foto's. Verder zeen der nog tal van evenemente inne aanlaup nao het kommende carnavalssezoen. Bie het prinsoetrope waere twee spatze es nuuj lid van De Kwekkerte geridderd nl. Ongergeteikende en Generaal, Korporaal Keub de ellefde (oftewel GKK-11). Op de leedjesaovend is eine winnaar dae zeen zangtalent nog sjteeds biej eder party ten geheure wilt bringe. En waem zal mich verbeeje det ich HEIMWEE Höb, HEIMWEE Höb, HEIMWEE Höb…. Och, wie sjoon!!!!



• Febrewari: Op vriedig 14 februarie (valentijnsdaag) kriege al die sjpetters vanne sjpatze natuurlijk ontelbaar väöl fanmail toegesjtuurd. De secretaresse sjtuurd ederein ein foto mit ein handjteikening truuk (vanzelfspraekend). Doe kins neet alles zellef doon. Allein die extreem lekkere chicks waere perseunlijk benadert om ein rundje door de Linnerwaerd door het Vlootbachtal te Sjpatzieren. Waat onger Sjpatzieren versjtange wurd weite allein de echte Sjpatzen.
  Op deze Valentijnsdaag is auch veur de 11 X 11de keer het LVK (Limburgs Vastelaoves-leedjesconcours). De Mofertse waereldformasie "La Bamba" duit hiej aan mit, mit het nummer "aane kant mit dae hanjel, weer gaon drie daag anne wanjel". Mer ze zeen auch bekindj van de hit "3 Witte Doeve". Ze waere oeteindelijk 11de. Es se toch neet eerste waers, kin se toch het beste 11de waere.
  De Colboys besjtonge op 15 februarie 2 X 11 jaor en ein aantal spatze wore aanwezig biej dit fees. Veuraafgaondj aan het fees höbbe een kwartet van spatze, alle Colboys aan hoes opgehaoldj en netjes bie Kroeg-Bar-Dancing Sjtiene aafgeleverd. Dit Party-etablisiment woor veur de gelegenheid omgetoverd nao ein kroeg in de Sixties. Haaje ze die deuk en blome en alles mer laote hange. Det zoog der namelijk baeter oet es normaal. De spatzen höbbe op deze aovendj nog ein muzikaal optraeje geleverd. "Het kleine Café aan het Kirkplein" woor de hit van de aovendj op de bekinde meziek van Pierre Cartner. FF veur de outsiders "Het Kleine Café aan het Kirkplein" is het veurmalige café Evers biej de kirk in Lin en de originele Oer-Heimhave van de Colboys. Dit woor tevens het eerste of ein van de eerste leedjes wo de Colboys mit mit deeje aan de Linnerleedjesaovend.
  Het verkesrenne op 24 februari woor weer ein top evenement. Allein who blieve die foto's. Dae fotograaf van de kwekkerte mot ins flink achter die vaere gezaete waere (net es de webmaster van die mèn). De plaats who de spatze zeen geeindigd is neet bekindj mer gezellig woor het waal. Daonaeve haet tenminste eine spatz het gesjupt om es eerste te eindige mit het Sjoenste Verke. Mer ja es se in verkes hanjels en auch nog ein wasserette höbs den is alles in kanne en kruike zigge ver mer.



• Miërt: Eindelijk is het weer Carnaval (2, 3 & 4 miërt). Nao maondjelang vergadere, vergadere, vergadere, wirkeuverlik, vergadere, hiël väöl zoepe en ach jao ver höbbe auch nog get geboewd gaon ver es spatze weer ins mit paradere mit de optoch in Lin, Mofert en Herkebosch. Vertraging, Mis of Blaajer op het Spaor, Oze Vastelaovesfiets riedj het ganze jaor. Det woor het motto. Ach ja, Doe mos get.
  
  In Lin woor het de ganse carnaval zoa ès eder jaor ein waor sjpektakel. Mer ich num aan det det op de meiste plaatse zoa is gewaes. Ich weit waal det mich op stindès morges ei visbuffet nao binne duuje neet miene hobby is. Den mos se auch mer neet biej de carnavalsvereniging gaon (ich heur het uch dinke). Langs deze waeg wil ich miene perseunlijke adjudant van dees daag den auch hartelijk bedanke. Hans Bedank. Dae haet mich door die daag gesjleip en dao naeve auch nog geweun op ein sjpetterende meneer de meziek verzorg.
  Het haet misjien waal twee maondj gedoerd veur det Harrie eindelijk weer ins nuuje chips in de toko haaj. Volges mich haaj Grote Sjmurf dao get mit te make. Auch die vlagge van Jan Linders sjiene door ein of angere "blauwe gek" zeen mitgenaome.
  Lancering van de site. Nao veul dinkwerk en onneuzele vergaderinge die zelde doch nooit het gewinste resultaat höbbe is den toch zo ver. De drukst bezochte site van Midden-Limburg e.o. is gebaore. Toen nog onger de naam www.vlootbachtaler.tk mer al sjnel bleek det de server de topdrukte neet aan kòs en al sjnel is de naam www.vlootbachtaler.nl (het kos get mer den hub se waal ein product in henj). Helaas kint Sjtiene hiej neet op kieke, want in ziene computer ontbrik ein hel sjief. (In ziene kop auch).
  

> Wiejer >