|
Nao zoaväöl jaor dan eindelik eine basis op internet
veur de Spatze. Inne laup van de jaore zeen der hieël get mutaties
gewaes inne actieve groep van leede vanne Spatze. Mer, zoaas Hans
ooit uns op ein vergadering haet gezag, 'es Spatz waer se gebaore
en es sjpatz geis se auch dood', dus auch neet zoa actieve leede
zeen ver hiej op dit adres gaer truuk. Veur diegene die neet weite
wie alles is begos of veur diegene die gaer nog uns herinneringe
wille ophaole hubbe veer het plan opgevat om alles nog uns op ein
riejke te zitte. Ome Hans hej het zoa druk mit breeve sjrieve det
der nog get inspiratie euver hej en uch dao gaer euver vertildj.
Det verhaol kint ger dan auch hiej onger laeze, allein mot ger dan
waal zellef veur de aope haard enne sjips mit dipsaus zorge. Väöl
plezeer dermit:
- Het oerbegin -
Urges in de herfst van 1996 reup emus, in de taxibus op truukwaeg
van (de toen nog legendarische) discotheek 'Geelen' te Haele, "CARNAVAL,
DET IS UT SJOONSTE WAAT D'R IS!". Dao waas waal eerderein effe
sjtil van. Dit waas reinste poëzie! Ut zou eeuwig zunj zeen
es dao verder nieks met zou gebeure. Gelukkig zoote d'r nog meer
creatieve breinen in detzelfde buske. Nog veur de taxichauffeur
Lin haaj weite te bereike woor ut refrein vaerdig:
Carnaval, det is 't sjoonste waat d'r is,
Carnaval, nae dao is toch nieks met mis.
Carnaval, det is 't sjoonste waat d'r is,
Van de 11de van de 11de toet ut aswoonsdig is.
De première volgde al sjnel op ut dichsbiejzeende bushukske.
Maar dan? Waat noe? Shit! Serieus mitdoon aan de leedjesaovendj?
Neet lang daonao sjtong weer un gedeilte van die men (Bart, Hans,
Joost en Luuk) biej (ut toen nog legendarische café) 'de
Mill-Pub' om ein sjtaontaofel. Det woor op kermismaondig, oetgeraekend
de 11e van de 11e. Dit kos toch gein toeval zeen. Op ein beerviltje
waerde de oprichtings acte geteikend. "DE ORIGINAL VLOOTBACHTALER
SPATZEN" woore un feit.
Al sjnel kwome allerlei ideeë. Zo mos d'r auch maar mitgedaon
waere met de optoch.
En d'r moste natuurlijk gooje couplette en achtergrondjmeziek gemaakt
waere. In de sjtudio biej Maarten Roes baove waerde de hit opgenaome.
Ut oefene kos beginne!
Op 11 januari 1997 woor ut zowiet………..de leedjesaovendj.
Onger begeleiding van unne heuse intro ('In the stone' van 'Earth,
Wind & Fire') ginge v'r de bühne op. Ut eerste optraeje
moog un regelrech succes genumt waere. En dan maar wachte op de
oetsjlaag. Van alle kantje kwoome de complimente en veural ut beer
binnesjtruime. Waat nemus haaj verwach gebeurde………..de
leedjesaovendj waerde gewonne. Ein naodeil………..de
winnaar mos ut leedje nog eine keer "zinge", det woor
dan auch un minder groot succes, maargood………..De
volgende daag waerde in de studio van Piet Douven de hit veur eeuwig
vasgelag.
foto: De Spatzen oppe bühn live in actie
Ut volgende persbericht sjtong de woonsdig d'rnao in ut Linner
Nuujts:
"Die Original Vlootbachthaler Spatzen" winnen 20ste LIEDJESAVOND
Zaterdagavond wonnen een vijftiental jeugdige sympathatieke jongens
en meisjes onder de naam "Die Original Vlootbachtaler Spatzen",
de jaarlijkse Linner Liedjesavond met hun sjlager "Karnaval
is 't sjoonste waat d'r is".
Nog voordat ze op de bühne stonden voor hun optreden, had 'Die
Jugend' al menig 'hart' van het publiek gestolen.
Verkleed in "Original Tiroler Kostüms" zongen zij
hun sjlager, die bij de telling het hoogste aantal punten, 71 ½,
van de zesvoudige jury kreeg………...
In ut eerste jaor volgde unne heuse toer: receptie, Linneraovendje,
jeugprinsoetroping, poetebal, kinjermiddig en bejaardemiddig.
Wiltj ger de teks van dit leedje laeze en noe auch heure(!!!) klik dan oppe volgende link:
1996/1997
Carnaval is 't sjoonste wat d'r is
De euverige Original Vlootbachtaler Hits:
|
