|
|||||||||||||
< Truuk uuj < | Foto-index | > Wiejer > Nao inkele zeer geveerlike acties zeen ver der mit enige hulp van de familie van Vlodrop in gesjlaag om os boewwerk oppe wage te kriege. Van die geveerlike acties hubbe ver uiteraard weer gein opname's gemaak (kinse dich veursjtille wie geveerlik det is gewaes...).
Beune in volle vaart euver de bergerwaeg, mit als gevolg det ver de trein weer gans opnuuj hubbe kinne virve. Aas ger achter Beune good kiek zeet ger eers Thei inne Caddi rieje mit dao vlak achteraan Tisjoh dae het allemaol te langzaam geit... De fotograaf probeerde vanaaf de fiets al riejende hiej opnaames van te maake.
Aas ger noe weer good kiek zeet ger det de fotograaf inne graaf sjteit en det Tisjoh aas eerste doorre boch geit op waeg nao de loods. Kint ger waal raoje welke acties aan dees foto veuraaf ginge. De mèn oet Mofert (de achterste waage is van Effing) woore get meer gewint aan het trakter tempo en bleeve netjes achter Beune. De motor riejer is oos toet op heede onbekint.
Tisjoh is in gein velj of waege meer te bekinne...
De Köster hej weer uns gooj zin. Hae hej weer uns vrouwvolk naeve zich sjtaon. Aangezeen der op het moment vanne foto op staasj zoot woor der nieks anges aas kaerels gewint en dan is get aafwisseling s'oaves zeer gewins. Noe hej der allein de pech det die van Beune eedere keer aasse naeve de aafplek-plekbandj virfde hem de sjultj goof. Dae erme Köster toch...
De Bolle(hulptroep) is alweer nao de bak beer aan ut loenze, opzichter dkf (rustend lid) haet de bak auch al gesjaote. Veer kinne euch vertille det ein paar minute later de baoveste bak beer mieëh es ein paar fleskes lichter waas.
Nao lang zeuke vonje ver Renée achter ein paar veiling kiste hel aan het werk. Ut woor al zoa lang sjtil gewaes det ver al ech ongerus woore gewaore. Renée wis natuurlik det de carnaval zeer sjnel aan kwoom en goof zoaas het eine echte Beune betaamp het gooje veurbeeldj door draan te gaon wiej vérkes Wullum.
Euver vérkeswullumme gesjpraoke. Dao hubse dae Köster weer mit ein fles beer inne handj... Effing hej dao geine tied veur want dae woor druk bezig mit zien sjlengskes. Dae haet zich aas Spatz drek good beweeze want der is nog nooit eine Spatzewaage gewaes mit zaoveul hydrauliek. De Bolle en DkF koste de humor der waal van in zeen.
Thei hej zien eige projek. Dem hubbe ver in ein heukske neer gezat en de res van de aovendj gein kindj meer aan gehad. Techniek en Thei gaon sjienbaar neet ech hendj in handj. Waat der aan het maake is zeentj ger inkele foto's wiejer waal. |
|||||||||||||
 |
|||||||||||||
