4 janewari 2004
- Inne nach van 31 december op 1 janewari is het
dan gebeurd. Vèr höbbe de 11.111 bezeuker oppe site
kinne begroete. Gehiëel in steil waerde òs actie vakkundig
verzauwdj. De pries dae vèr hawwe oetgesjreeve woor bliekbaar
zoa aantrikkelik det de winnaar dao alles veur euver hej. op 12
oer tied is de site miër ès 450 kiëer bezoch,
ein nuuj record. Ein live-verslaag van dees gebeurtenis kintj
gèr in het gastebook laeze. Waem woor noe de persoon dae
zich die meujte wol doon, det woor op 1 janewari drek de groeate
vraog. Omdet der ein 'bezwaord' verleeje haw(?) woor bie väöl
luu DkF al snel ès hoofverdachte aangeweeze. Dae wis echter
nurges get vanaaf (mer ja, det is normaal auch zoa ès der
het waal haet gedaon). Nao ein gronjige annalieze vanne website-log-file
(kintj gèr het nog volge?) woor al snel duudelik det de
pc woovan gewirk woor toch in Lin stòng. Nao ein nog gronjigere
data-annalieze en de neudige tillefoontjes mit @home kwoome vèr
auch achter de straot wo-in deze persoon zich sjuul heel. Om dezen
tied hejje vèr òs dus al de neudige uurkes mit dees
vraog bezig gehaaje en vèr woore der bienao oet. Noe waerde
auch uns de mail gecheck. En waat zoot dao toet verbazing inne?
Eine mail vanne 'dader' oftewel de winnaar vanne pries! Dae wol
ziene pries drèk komme verzilverre. In het mailtje troffe
vèr de volgendje foto aan:
De foto woor gemaak op 1 janewari omstreeks ein
oer of hallef 10 smorges in huize Janssen. De actie woor zorgvuldig
oetgedokter door 'de heer' des huizes te weite |--| @ |\| $ _|
@ |\| $ $ € |\|. Eine haup luu weite noe nog altied neet
wie dèr het haet geflik. Hans, bie deze dus: Proficiat.
De pries zal bie de iëerste de bèste gelaegenheid
aan dich waere oetgereik.
PS: Es gèr de foto bekiek. Prognose voor
vandaag: 3060 pageviews. Die höbbe vèr helaas neet
gehaold. Det zow auch gèt te väöl van het gooje
waere, want dan zoote vèr al weer bienao op 2 x 11.111
bezeukers.
- Zaoterdig 3 janewari haet het legendarise team
VVF mit gedaon aan het jaorlikse zaalvoetbaltoernooi in Lin. Nao
ein maotig begin herpakde VVF zich en zeen vèr oeteindelik
és 3de ge-eindig. Zowaar gein slech reseltaot. Ein oetgebreidj
foto-verslaag zal snel volge.
- Oppe zelvendje daag haet auch de äöpening
plaats gevonje van het 2de filiaal van Har Gootzen bemandj door
ozze eige Köster. Auch hie zal snel ein verslaag van volge.
O.a. auch mit het aafleevere van òs kado.
