22 april 2004
Oet betroewbare bron höbbe v'r
ut volgendje dramatiese verhaol gehüërd.
Drie waeke geleje höbbe Luuk
en Sabiene van ut iëerste salaris van Luuk een nuuj wasmèsjien
gekoch. Ze hejje nog gein wasmèsjien en ginge dus eeder
waek mit dae pungel nao hoes hèr. Det nuuj mèsjien
hejje ze in Arnhem biej Megapool gekoch. Zie moste det wasmèsjien
gans betale en ut zow dan ein waek later waere aafgeleverd. Mer
doa waerdje gein wasmesjien aafgelevert en waat erger waas, Megapool
ging faijiet. Gevolg waas det de kleijer neet miëer gewasse
koste waere, want thoes waerdje ze ut auch meug. Gèr kintj
de gevolge waal raoje en ruuke. Spijkerbokse die rechop blieve
staon van ut voel om van de ongerboekse en zök nog mer te
zwiege. De toestandj in ut fletje in Arnhem is onhaojbaar gewaore
en auch op ut werk van Luuk in Mestreech beginne de gevolge door
te dringe.
Op de gank in ut provinciehoes woo Luuk zien kamer haet rook ut
toch al neet zoa fris. Die biolooge en baumklevers laupe allemaol
mit ongewasse geitewolle zök in aope sandaale, mer de lèste
waek begint ut hiëel provinciehoes te meure. Om zoa snel
meugelik ein èndj aan deeze onhajbaare toestandj te maake
is eine kollega van de provincie begos mit ein nasjionaal inzamelaktie
onger ut motto: EIN NUUJ WASMESJIEN VEUR LUUK EN SABIENE.
De Sjpatze steune dit initiatief van herte en roope alle bezeukers
van deeze site op royaal geltj euver te maake op giro 11.11.11.11
tnv Sjtichting De Witte Reus.
Veer haaje uch oppe hüëgte van dit hertverwermend inisjatief.
