Vastelaovendj

Vastelaovendj

1 miërt 2004

Bèste Spatzen en anger volgers van dees site,

Ein waek nao de vastelaovendj haet eederein genog tied gehad om ein bietje biej te komme van die sjoean daag. Det is dus auch 'ns de tied om de foto's die tiedens die daag zeen gemaak veur de daag te haole. Ein ieërste serie foto's höbbe ver ontvange en kintj gèr truuk vinje oppe site inne foto-sectie. Höb gèr nog sjoean foto's die nog neet op dees site staon van Spatzen en gèr wiltj die waal kwiet, stuur dan effe eine mail nao de webmeister (eventueel mit foto's) en dan waerd dao werk van gemaak. Zoa-ès gèr höb gemerk heat d'n webmeister het tamelik druk gehad mit allerlei naeve-activiteite (waat websites aan geit). En auch dae vastelaoves waage mos door eemes waere geboewd, worre ;). Det zal noe waal weer get minder waere en zal der weer get regelmaotiger waere geupdate (Geine zanik dus mieër!!).

Höb gèr trouwens nog sjoean verhaole euverre vastelaovendj laot die dan auch 'ns hüëre. Ich bring biejveurbeeldj in herinnering òs avontuure inne Oo tiedens die rit nao d'n optoch in Hèrkebosj. Ich dink det dae erme man dao noe nag slech van sleup. 't is auch get om mit 8 carnavalswaages 2 kilemaeter achter eine rolstool mit meuterke te rieje op ein wanjeltempo. En esse dan auch nog zo'n waazeleers achter dich höbs die de microfoon gein second ongebroek kinne laote, bösse eine erme man.

't blief auch ein wonjer det het Joost neet is gelök om ein bord draaf te rieje, ondanks det der inne bochte gaas goof in plaats van det der remdje oppe waeg. Dit in taengestilling toet Versteege dae dit lökdje op ein rech stuk zonger opstakels (de dörpsstraot in Melick). Gelök biej ein ongeluk woor det der net op det stukske geine bout stong ter controle of der gein waages waerde aafgebraoke veur ze truuk woore in Mofert (bezwaort verleeje, worre).

Noe mot ich nog ein dink kwiet....

en det is...

 

LOEMELEHUH!!!!!!

 

Ich haop det gèr het net zoa sjoean höb gevonje es ich. Dan doon vèr het het volgend jaor gewüën weer euver. Waal gèt eerder weer beginne mit dae waage, want volgend jaor mot der weer eine pries waere gewonne in Mofert. Dit woor het iëerste jaor det vèr dao geine pries höbbe gewonne mit de waage. 'n graof sjandaal!! (mer de concurrentie woor dan auch moordend mit 22 waages)

de webmeister