Vari-abel nuuts

Vari-abel nuuts

15 december 2003

- Missjien det sè ut zellef al höbs gezeen of geheuert. Binnekort is ut zoa wiét en kinne vèr de 11.111 bezeuker op dees site begroete. Dit heuglikke feit wolle vèr neet onopgemerk veurbiej laote gaon. Daoveur hejje vèr gedach om dae persoon dae ès 11.111 bezeuker op dees site kump mit ein presentje te veurzeen. Waat kin dae persoon verwachte? Nou, vèr wolle neet kinjerechtig doon en höbbe ein collecte gehaaje biej de leeje. Dit haet toet resultaat opgeleevert det vèr deze persoon ein heuse kroege-toch kinne aanbeeje. Nae nae, dit is ech gein grepke! Ein kroegetoch wo alle consumpties veur raekening zeen vanne Spatzen. Gegarandeerd desse omvils esse die consumpties allemaol höbs omgezat in beer (moch sè det wille uiteraard). Det is toch geine kattepis! Wilse in aanmerking komme veur deze pries, dan mòsse de kommende tied mer dûk op dees site komme en waem wit, bös doe de gelukkige winnaar!

- Wiejer is door ein aantal luu gevraog of de foto's oppe site auch in hooage resolusie zeen nao te bestèlle (ès 'papiere' foto num ich aan). Natuurlik is det altied meugelik. Vanaaf noe kontj gèr alle foto's (------ ge-edit --> kiek biej ut nuuts van 17 december 2003) naobestille toet eine moantj nao publicatie op dees site (veur zoawiet die der zeen). Waat mosse daoveur doon? Alle foto's höbbe ein nummer. Det nummer kinse zeen door mit de rechter moesknoep op ein foto te klikke. Vervolges klik se oppe eigenschappen (properties in ut ingels) vanne foto. Baovenaan zuuse dan ès ut good is de naam vanne foto (bv tn_100_0463.jpg). Det is teeves auch ut nummer. Zeuk deze naam van alle foto's op die sè wils höbbe en mail die door aanne webmeister. Ut email adres is: webmaster@vlootbachtaler.nl. Es ut neet lûk kinse auch altied nao dit adres dien vraog maile. En esse toevallig Tisjoh (Paul) taenge ut lief lups wilt dae missjien onnog waal effe helpe.

- Vèr zeen angefangen mit de boew vanne vastelaoves-waage nao ein zeer construktieve vergaadering.

- De Oetslaag van ut Karte van 15 November 2003 doorre Spatzen höb gèr onnog tegooj. Heats verreeje om 23:48h en 00:06h, dus de tieje zeen (biej de meiste buujelle in eeder geval) aan al duchtig get alcohol ongerheevig.

Pos Car Driver Laps BestLap (sec) Averange (sec)
1 7 Abe 16 39.85 42.00
2 16 Thei 16 39.97 42.90
3 19 Köster 16 40.59 42.10
4 5 Effing 16 40.69 42.60
5 7 Verstrge 16 41.01 43.18
6 8 Beun 16 41.17 43.13
7 18 Keub 15 41.59 44.97
8 15 Guus 16 41.53 42.68
9 17 DkF 15 42.01 44.33
10 4 kuuL 15 42.47 45.30
11 13 Renée 15 42.87 46.36
12 9 Cindy 14 43.27 47.11
13 19 Gwen 14 43.68 47.83
14 4 Dees 14 44.31 47.14
15 17 Claire 13 45.84 52.81
16 1 Sabine 14 45.86 49.16