24 augustus 2003
Van ooze correspondent ter plaatse
Aafgelaupe zundig, 24 Augustus, höbbe ein
zèstal Spatzen mit gedaon aan het verenigingssjeete in
Mofert. Nao ein get minder succesvol verlaupe dörpssjeete
in Lin kinne ver waal zigke det dit weer ruumsjooats is good gemaak
in Mofert. Het drietal Lin 1, mit es sjutte Beun, Keub en Luuk,
haet het gepresteerd om deze categorie te winne.
Nao ein grooat aantal spannende runjes kaavelle,
bleeve der oeteindelik nog 2 drietalle euver. Dit woore het eeder
jaor weer sterke drietal vanne femilie Mans en natuurlik het Spatzen
drietal. De sjeetkaart woor op ei gegaeve momend zellefs vol gesjaote,
dus kintj ger uch indinke wie good waerde gesjaote. Daonaeve waerde
het naeve het gooje sjeete auch steeds later. Det hej toet gevolg
det het auch duuster begos te waere. Naodet alle sjutte van òs
Vlootbachter drietal eine kiër hejje gemis, waerde het nog
hiël erg spannend. Toch mos de femilie Mans de zaak opgeave,
omdet ze de bölkes ech neet meer zooge. Nao 2 missers van
Jan van Mans woor het gedaon en goove ze zich gewonne. Hulde dus
aan òs sjutte. Die van Mans ginge trouwens toch neet mit
laeg hej nao hoes, want die wonne waal biej de 6-talle.
Naeve dees prestasie is auch nog de prestasie
van Thei vernummeswaerdig. Dae presteerde ut namelik om veur de
twiëde kieer 4 sjeute achter ein te misse. Eeder zien kwaliteite.
Frapant is waal det der biej het perseunlik kampioensjap, wo se
op dien eige bös aangeweeze, alles draaf sjoot. Waeges de
invallende duusternis is dit trouwens nog neet oetgesjaote en
zeen nog versjillende Spatzen inne running om dit te winne (Thei,
Beun en Abe). Zoa-es ger zeentj verrassent genog dus neet Keub.
Dae verslikdje zich inne twieede kavelrunje. Dit hejje ver toch
allemaol neet verwach.
Es lèste is nog vernummeswaerdig det de
femilie Coenen vanne Wolfsberg weer mit eine pries vanne priezebaum
der vandoor is gegaon. Die winne auch altied! Al mit al eine sjooane
daag en volgend jaor mot dae pries natuurlik waere verdeedig.
