Zaoterdig 26 juli höbbe ver ès Spatzen traditioneel òs weer goot verwaerd op het jaorlikse verenigingssjeete in Lin. Naodet veurig jaor de 1ste pries biej de 6-talle woor veroverd, höbbe ver det dit jaor probeere te evenaare. Dit is òs echter neet gelök. Tiedens dit evenement höbbe ver de volgende sjweer impressie gemaak:

Aan het begin vanne daag sjeen het zunke aardig. Die paraplu waerde doe nog gebroek veurre zon. Later daen daag zow det echter nog waal verangere want het waer zow nog volledig om sjlaon. Keub woor goot in vorm. Mer drie missers oppe hiële daag. Det moog auch waal want dae duit toch neet veur nieks eeder waek oefene mit die mede-padvinders van um.

Ger van Dynamite sjoot auch sjèrp. Dae hej natuurlik al ervaring mit die prieze van um.

Mit de buks vanne sjutterie van Mofert waerde goot geraak. Thei vanne Seus (veuraan oppe ruk gezeen) en (Thei, wie hoot dae angere auch al weer?) zorgdje veur top materiaal. Zeen ver vas ingesjaote veur het Dörpssjeete van euver ein paar waeke in Mofert :)

Auch Abe sjaot mit sjèrp. Aafgezeen van die 2 missers achterein door die wintjvlaag leep det wie eine trein. Die paar put beer maake dem neet vanne wies.

Hiej kintj ger die vaste handj van dem uns van get korter biej zeen.

Zeentj ger? Dao ging al weer ein bölke aaf...

Auch HKVL'er Nick alias 'de Bolle' alias 'lekkertje' sjaot ze goot aaf.

Esse det ei bietje wils volge kriesse waal eine sjtieve nek.

Auch DkF kos nao het succes van veurig jaor natuurlik neet toes blieve en sjoot auch de neudige bölkes aaf.

Weer eine Dynamiter dae mit sjèrp sjuut.

Het beer smaakde Beune weer goot.

En nog eine Dynamiter. Det kriesse mit Tisjoh es fotograaf, he.