Zaoterdig 5 juli woor het weer zoa wied. Net wie veurig jaor zowwe ver mit get luu nao Nederlandjs grotste discotheek gaon. Omdet de Vogel gein 35000 man binne krieg en det auch biej Sjtiene net neet geit hejje ze weer de Arena in Amsterdam oetgezoch es locatie. Ver höbbe get foto's gevonje om uch te laote zeen waat ver höbbe oetgevraete.

Es ger good kiek (de kwaliteit vanne foto's is neet ech toppie, jao) zeentj ger oppe achtergrondj het geboew wo det fiëske waerde gehaaje. Net wie vurrig jaor hej eederein zich weer witte kleijer aangedaon. Om de ingang te vinje hoofde ver dan auch allein mer het witte spaor te volge.

Het woor dao get duuster. Dao-onger urges sjtonge die mènner häör plaetjes te drejje. Net wie veurig jaor hejje ze weer ein platform oppe middestip gezat. Natuurlik kóste ze det neet zoa good wie Abe, mer ja, ver moste het der mit doon.

Abe hej nog get familie mit genaome, dus dae mos zich in haaje. Bis lèstig mit zoaväöl n..t. h.... Keub en Cindy wiste de waeg nog en rendje drek wie eine dölle het veldj op.

De Köster kos het neet meer aan, zoaväöl n..te h.nn. Dae haet zoa de ganse nach gestaon. Constant om zich haer aan het kieke, mer ja, waat wilse auch.

Ein groepsfoto vanne luu die mit woore (exclusief fotograave). Om de ein of anger reeje zeentj ger hiej Thei mit ein glaas beer sjtaon. Dit is ein wonjer want het woor wurkelik gein plezeer om dao get te gaon bestèlle. 8 rieje diek woor nieks dao. De prieze trouwens auch neet.

Ze hejje dao auch get sjieneeze oetgeneudig. En ger kintj det waal, die motte altied esse ein fiëske höbbe van die draake mit sleipe.

Op ei gegaeve moment ontplofde dao de boel. Euveral ontploffinge zoaas ger hiej oppe achtergrondj kintj zeen.

Esse dan zoa de ganse nach höbs ligge te partieje waerse het op ei gegaeve moment waal uns effe meug. Gelökkig koste ver òs auch oppe tribuun zitte en effe biej komme van de inspanninge. Abe haet zich zelfs de uig effe toe gedaon (waat ein timing vanne fotograaf). Dae vent achter Roy haet trouwens nog gelök gehad. Nao het sjient haet dae de Kösterein stuk of 10 kiër op ziene kop gehauwe. Het hej (weer uns) neet väöl gesjeelt of de Köster hej um eine duchtige veur zien gezich opgewatsj.